SEO in Hindi Tutorial – SEO kya hai

SEO in Hindi Tutorial – SEO kya hai | SEO kya hai in hindi

 

SEO in Hindi Tutorial - SEO kya hai

Is post main apko main SEO pe pura tutorial dene wala hu jisme apko SEO ki puri jankari dedi jayegi isi tarah se aap SEO karke apni website ko google mein rank kara sakte hai jisse apki website pe bhi traffic ane lagega  isliye iss post ko pura jarur padhe

 

SEO in Hindi Tutorial – SEO kya hai step by step guide

SEO matlab apne website ko search engine ke algorithm ke anusaar optimize karna. Ajj ki Duniya Main seo bahut jaruri hai agar app ek online business karne ka soch rahe ho ya kar rahe ho. SEO ke dwara aap apna online Business logo ke saamne rakhte sakte hai. Jisse apki business main bahut growth hoti hai kyu ki aaj har banda har ek cheez ke liye google pe hi Search karta hai.

 

SEO Process | SEO kya hai aur kaise hota hai

SEO in Hindi Tutorial - SEO kya hai step by step guide
SEO in Hindi Tutorial

SEO karne ke liye dohi cheez bahut jaruri hoti hai

  1. ONPAGE SEO
  2. OFFPAGE SEO

Onpage Seo matlab woh cheez jo app apne website pe karte hai

Offpage Seo matlab app jo apne website ko google ke saame lane ke liye karte hai jaise backlinks banana, website ki authority badhana aur bhi bahut sari cheeze hoti hai.

Ab hum in do SEO ke process ke baare main  jankari lenge

ONPAGE SEO

Onpage Seo karna ek bahut badi cheez hai. Onpage Seo matlab app apni website ko google ke algorithm ke tarike se banana. Onpage SEO main hum apni website ko iss tarah banate hai jisse google use assani se read kar sake aur hume ranking main acchi position de. Ab hum apko onpage seo ke sare steps batate hain.

 

STEPS OF ONPAGE SEO:

1.Website speed-

1.Agar apki website 1-5 seconds ke andar khulti hai toh apki website ko fast bola jaata hai

2.Agar apki website 5-15 seconds main khulti hai toh apki website speed average hai – ise improve karna padega

3.Agar apki website ki speed >10 yane 10 second se jyada hai toh apki website ko slow bola jyata hai jisse apko jald se jald thik karna hoga,

Kyuki google ke search results ke anusar koi jo bhi site top 10 mein rank karti hai unka site speed kamse kam average toh hota hi hai. Agar apke website ki speed slow hai toh app google main top 10 main rank nahi kar paoge. Google ke latest update ke anusaar site speed bhi ranking main ek bada role play karegi.

Site Speed slow kyu hoti hai – waise toh site slow hone ke kai wajah ho sakti hai. Jaise appke site pe uplaoded photos optimize na ho yane wo compressed na ho. Aapke site pe bahut jyada plugins use ho rahe ho jisse app ki site slow hoti hai. Ya to aapka hosting provider accha na ho agar aap wordpress use karte ho toh. Isliye ap kam se kam plugins ka use kare. Agar plugin samasya nahi hai toh aap apna hosting provider change kare(wordpress users ke liye).

2.Title Tag –

Agar aapko apni website rank karani hai title tag ko optimize karna bahut jaruri hai kyuki googke ke crawlers apke title se hi apki website pe kya hai iska anumaan lagaate hai

Title Tag ko optimize Kaise Kare –

Apni post ka title likhte waqt ye dhyaan rakhe ki aapka focus keyword usme jarur aye. Title ko likhte waqt keyword jyada repeat  na kare nahi. Kyuki aisa karne walo ko google spam samajta hai aur isse ranking mein bhi bahut asar padta hai.

Example –

1.America tour | Tourist places in America | Best Tour Packges – Good Title

2.America Tour | America Tours | Best America tours – Bad Title

3.Keyword Ki Density –

Aap apne post main apne keyword ko jyada bhi repeat na kare nahi toh google isse spam samjhega. Aap apne keyword density 2.5% se jyada use na kare. Iske liye aap yoast plugin use kar sakte hai jo SEO main madad karega.

4. Hidden Content –

Aap apne website main hidden content ka istemaal na kare nahi toh google ki ranking main bahut effect padega. kai log apni site ko rank karane ke liye hidden content ka istemal karta hai jo user ko toh nahi dikhti lekin google ke crawler aisi cheezo ko spaam batate hai aur apko kabhi bhi rank nahi karte hain.

5. Meta Description –

Meta Description wo cheez hoti hai jo google results mein apne title ke niche dikhai deti hai. Meta Description Onpage Seo mein madad karta hai isliye aap apna keyword meta description mein ek baar jarur repeat kare.

Note: agar sentence sahi lage toh hi keyword dale jabardasti ki keyword na dale. Kyuki ye cheez google results main dikhai degi jo clicks paane main madad karegi agar apka meta description attractive hai toh.

6. URL Structure –

Dhyan rakhe url structure bahut jyada important hota hai SEO ke liye.

Kaise banaye accha Description –

Meta Description likhte waqt dhyan rakhe ki woh 160 characters se jyada na ho kyuki google usse jyada bada description read hi nahi karta. Aur apne main keyword ko apne description me jarur dale.

https://www.hindifeed.in/?p=44 – wrong way

https://www.hindifeed.in/best places to visit in America/ – right way

Aap apne blogger ya wordpress ki settings me jakar apne url ki structure set kar sakte hai. Url structure ko permalink structure bhi kaha jata hai.

Ex :- https://www.hindifeed.in/post-name/

7. Image Alt tag –

Agar apne apne post me images upload kiye hai toh uska Seo karna bahut jaruri hai. Image ke url structure me aapka main keyword ana chahiye. Apke image ke alt text mein apne post ke main keyword ko jarur likhe ki woh image kis cheez par based hai. Agar aapne apni image kahi se li hai toh use credit dena na bhule. Alt tag google ko batata hai ki aapki image kis cheez par based hai kyuki google images ko read nahi kar sakta hai.

8. Responsive website –

Responsive website use kehte hai jo website khulte hi us screen ke height aur width ke according apne aap ko set kr le.  Short main bole toh responsive websites mobile main achi tarah aligned hoti hai. Isliye aap apna theme choose karte samay ye dhyaan rakhe ki aapki website mobile optimized ho kyuki har theme desktop ke liye hoti hai par kuch hi themes mobile optimized hoti hai.

9.Heading Sequence –

Html me heading tags hote hai H1, H2, H3, H4, H5, H6. Hame in heading tag ko ek sequence me use karna chahiye jo seo ke liye bahut jaruri hai.

Hame pahle H1 tag fir H2 tag aur fir H3 tag … Isi sequence me use karna chahiye kyuki google isi order me apke website ko read karta hai. Toh isliye heading sequences post likhte waqt jarur dhyan rakhe.

10. Use of headings –

Apke post me headings ka use jyada karne se bhi apke search ranking pe asar padta hai. Isliye heading tag ko jyada use na kare

Heading tags kitne use kare -Apko apne post me H1 tags use na kare kyuki google aapke post title ko hi H1 tag consider karta hai. Apne post me ek hi H1 tag jo ki apka post title hi hai aur ek hi H2 tag use kare. H3 tag, H4, H5, H6 tag app kitna bhi ise kar sakte hai apke post ke according.

11. Internal Links –

Internal links matlab apne post me apne other related post ke link koi keyword par dena. Jis site pe internal linking acchi hai woh google main jyada acche se rank karti hai.

Example –

ApneWikipedia ki site ko toh dekha hi hoga hi ki unke post pe kitne references yane links di hui rahti hai isliye almost har keyword par wikipedia sabse upar rank karta hai kyuki unke site ki internal linking bahut acchi hai.

Internal links kitne lagaye –

Apki post me kitne links lagana hai yeh apke post ki length pe depend karta hai. Jaise ki agar aap ke post ki length agar 500 words hai toh usme kamse kam 2 links jarur lagaye. Agrlar 1000 words hai toh kamse kam 5 links jarur lagaye.

12. External linking –

External linking matlab apne post me kisi dusre site ka links dena. External links bhi seo ke liye bahut jaruri hota hai isse foogle samajhta hai ki aap apne users ko acchi content provide karna chahte isliye apne external links bhi diye hai. External links bhi apne site ki authority ko bhi accha karta hai ki aap apne users ko sab kuch batana chahte hai.

External links bhi utne hi use karne hai jitne hum ne internal links me bataye hai.

13. Enable Gzip Compression –

Gzip Compression enable karne se apki side ki speed fast hoti hai. Gzip Compression apke site par maujud har html, Css, Javascript codes ko compress karta hai jisse apki site ki loading time kam hoti hai.

14. Bold important keywords –

Aap jis keyword pe apni site ki rank karana chahte hai use bold kare usss google samajhta hai ki aapne iss keyword par jyada jor diya hai aur google usi keyword pe aapki ranking karata hai.

15. Website Structure –

Ajj ke jamane me website Structure bahut jaruri hai. Apni website ko user friendly rakhna bahut jaruri hai isliye post likhte samay ya fir theme customize karte samay dhyan rakhe ki aap apni site ko jitna saaf rakhe utna hi accha hai.

Apni website me phaltu cheez na dale jiski jarurat nahi apki site jitni clear aur clasdic hogi utni hi acchi tarah se google apke site ko read kar payega. Adsense approval ke time bhi jitni apki site simple aur clear rahegi toh adsense apko approval de dega.Isliye apni site ki structure pe dhyan de.

16. Post length –

Post ki length bhi ek bahut bada factor play karti hai apki ranking me. Kyuki agar apke post ki length jyada hai toh google ko lagta hai apne us keyword pe jyada research ki hai isliye woh apke ranking me fayda deta hai.

Agar aapko ek keyword par rank karna hai toh keyword ko google pe search kare aur uski pahli teen post ko utha le aur unke post ki length dekhe agar unhone 500 word ka post likha hai toh app 700 words ya 1000 words ka post likhe usse apko ranking me jarur madad milegi.

17. Sitemap –

Sitemap ek website ke liye bahut jaruri hota hai woh google ko apki site ko crawl karne me madad karte hai. Isliye apne site ke liye sitemap jarur generate kare. Sitemap apke website ke har hisse ko crawl karne me madad karta hai. Jisse apki site fast index hoti hai.

18. Use keyword in post –

Apne post me keyword ka istemaal karne ka bhi ek tarika hota hai jisse follow karne se easily rank kar sakte hai

Keywords kaha use kare –

Pehle toh aap apne title me keyqord ka use kare.Uske baad apne post ke pehle paragraph me keyword ka use jarur kare. Uske baad apne H2 tags me bhi apne main keywords ka use jarur kare. Uske baad apne baki ke heading tags me main keyword chod kar usse milta julta jo keyword ho usse use kare. Phir apne article ke last paragraph me bhi apne main keyword ka use jarur kare.

Note : lekin ek baat dhyaan rakhe ki keywords ka overuse na kare. Keywords ka aise use kare jaise ki ek meaningfull sentence bane. Keywords ka use karne ke liye phaltu ke sentence na banaye usse apke user’s experience par pharak padega.

 

Offpage SEO –

Jab hum offpage seo ki baat karte hai toh sabse pehle backlinks par focus ata hai. Backlinks apke site ko authority dene me madad karte hai. Agar apko koi post rank karaani hai toh backlinks ka ek bada role hota hai. Apke paas jitne jyada quality backlinks honge google apke site ko utna hi high authority site manega. Ayiye sikhte hai Offpage seo me kya kya or kaise karna hota hai –

1. Social bookmarking sites –

Aap apna post likhne ke baad unhe social bookmarking sites pe submit jarur kare google ise pasand karta hai ki apki post pehle se hi social sites me padhi ja rahi hai. Internet par kai social bookmarking sites hai isliye aap apni post sabpe submit na jare jis website ki spam score kam ho 5 se kam aur unki authority ho wahi par submit kare nahi toh apko nuksan hoga.

Harmful bookmarking sites se kabhi bhi links na le nahi toh woh ranking me effect karega. Ek din me jyada submissions bhi na kare nahi toh google samjhega aap spam karne ki koshish kar rahe hai. Ek din 20 hi submissions kare minimum.

2. Directory submissions –

Directory submissions ek bahut acchi cheez hai agar apko rank karna hai toh. Acchi directory sites se link milne par aapko bahut fayda hota hai ranking me. Directory sites ke liye aap google par search kare apko kai site milengi unpar apna link bana le(Note: link banane se pehle us site ki authority check karle iss ke liye aap moz ka istemaal kar sakte hai)

Websites to check authority of a site:

https://moz.com/researchtools/ose/

3. Keywords related websites –

Aap apne keywords se related websites se hi backlinks le. Kyuki agar aap ki site technology pe hai aur aap cooking sites se backlinks lete hai toh google isko pakad lega aur samjhega aap spam karne ki koshish kar rahe hai.

4. Search Engine Submissions –

Sabse pehle aap apni websites ko bade search engines me jaise Google, Yahoo, MSN, bing, alexa aur bhi bahut hai aise sites me submit karle.

5. Google+ use kare free organic traffic ke liye

Jaisa ki aap jante hai google+ google ki social site hai toh apko ispe apna profile bana lena chahiye aur iss profile ko apne website se link jarur kare.Isse google ko lagta hai aap ek genuine insan hai jo logo se judna chahta hai aur ranking apki badhegi.

Google+ ek bahut badi community hai jispe aap kai groups join kar sakte hai aur apne posts ko related communities me share kare jisse apke paas free organic traffic ayegi. Toh aap google+ pe profile bana ke apne followers badhaye jisse apke pas kamaal ki organic traffic ayegi.

6. Facebook –

Jaise ki aap jante hai facebook ek bahut badi site hai jiski authority bahut jyada hai toh aap waha par bhi jaa kar ek facebook page apne websites ke naam par ya milte julte naam par bana le aur apne facebook page pe likes aur followers badhaye.

Ye ek bahut accha tarika hai social traffic ka jisse log lakho ki traffic apne websites pe bhejte hai.

Example –

Apne rajnikant vs cid jokes inka facebook page toh dekha hi hoga ki kitne saare likes aur followers hai inke ye apni facebook page pe jokes share karte hai aur iske niche apni site ki link de dete hai jisse din ki lakho ki traffic bhejte hai apne site par. Aise hi bahut sare log karte hai aur yeh ranking ke liye bhi accha hota hai jo google ko social signals bhejta hai ki is social networking site se bahut traffic araha hai matlab iska content accha hoga toh aapko search results me upar rank karte hai. Isliye Facebook page jarur banaye.

7. Use twitter –

Aap twitter pe bhi apni profile bana sakte hai aur apni website hashtag ke sath share kar sakte hai. Yaha se bhi kamaal ki social traffic milti hai. Aur apne followers badhake aap yaha se lakho ki traffic gain kar sakte hai.

8. Pinterest sharing –

Aap kamaal ki photo banakar pinterest par share kar sakte hai waha se kamaal ki traffic ati hai website par maine bhi apne dusre sites par pinterest ke hi traffic bhejta hu. Isliye aap pinterest par bhi account bana le. Pinterest ek accha medium hai kyuki waha bhi google ki tarah kuch search karne ke liye keywords ka istemaal hota hai.

9. Reddit –

Ye bhi ek kamaal ki social networking site hai jaha par har cheez ke liye ek alag community jaha par aap apni quality content share karke kamaal ki traffic generate kar sakte hai. Toh social site pe bhi apna profile bana le.

10. Classified sites submissions –

Classified sites jaise ki olx, quikr aisi kuch badhiya sites pe aap apni website ki free me promotion kar sakte hai. Aur yaha se bhi aap kamaal ki traffic generate kar sakte hai.

11. Questions & Answers websites –

Aap quora, yahoo aisi questions and answers sites me join karke bhi traffic generate kar sakte. Aap logo ke sawalo ka jawaab dene ke liye apni post ka link share kar sakte ho. Aur waha se kamaal ki referral traffic aap pa sakte ho. Agar aap logo ke sawalo ke upar unke jawab dene ke liye post likhenge toh apko yaha se kamaal ki traffic mil sakti hai. Kyuki har insaan ko kuch na kuch questions hote hi hai aap unke questions ka answers de apne post me aur traffic generate kare.

12. Blog commenting –

Aap organic traffic pane ke liye blog commenting ka bhi use kar sakte hai. Ye sab se best tarika hai backlinks pane ke liye lekin ye backlinks jyadatar nofollow hote hai. No follow aur dofollow backlinks kya hote hai ye janne ke liye click kare.

13. Guest Post –

Jo blogs ya websites already rank kar rahe hai aap waha par guest post submit karke kamaal ki traffic generate kar sakte hai. Guest post sabse best tarika hai apne website ki authority badhane ke liye aur free traffic pane ke liye. Guest post sabse fast tarika hai acche limks pane ke liye aur jald se jald ranking me ane ke liye.

Conclusion: –

Iss post me maine meri puri jankari dedi hai jisse aap apne website ka SEO kar sakte hai aur Backlinks bana sakte hai. Asha karta hu ke apko search engine optimization kaise karte hai ye samajh aa gaya hoga. Iss post Ko regularly naye tips ke saath update Kiya jayega. Aap niche comment jarur kare ke ye post apko kaisa laga. Aur aapko aur koi jaankari chahiye toh comment me jarur bataye. Post padhne ke liye shukriya…..

 

admin

I am a educational blogger. Love to teach people everything that I know and want everyone to know about it. I am very much interested in SEO kind of things and also I love to teach about technologies.

Leave a Reply

Your email address will not be published. Required fields are marked *